Граѓанските организации (ГО) претставуваат клучни актери во промовирањето на транспарентноста, отчетноста и интегритетот во општеството. Низ програмата „Острови на интегритет“, поддржана од платформата Цивика Мобилитас, се укажа можност за јакнење на капацитетите граѓанското општество во Република Северна Македонија. Концептот “Острови на инегритет„ подразбира организациски единици, иницијативи или проекти кои функционираат според највисоките етички и професионални стандарди. „Островите“ не само што промовираат интегритет, туку и го зајакнуваат кредибилитетот на граѓанските организации како партнери во демократските процеси.
ИнСоК – Асоцијација Институт за социјална промена со својата работа, ја поттикнува активна граѓанска свест, обезбедувајќи поддршка за ранливите групи, зајакнување на младите и поттикнување дијалог меѓу различни општествени чинители. Како таква ИнСоК демонстрира вредности: Демократија, Владеење на правото, Човекови права и Човечки капитал.
ИнСоК заедно со уште (единаесет) 11 ГО учествуваше на обуката организирана низ четори (4) обуки на “Острови на интегритет“. Учесниците на обуките беа Надир Реџепи, е-маил: Redzepi.Nadir@insoc.org.mk, Овластен преставник и директор на ИнСоК, и Програмскиот координатор и овластено лице и назначен за обуките за “Острови на интегритет“: Самет Скендери е-маил: Skenderi.samet@insoc.org.mk
Обуките од “Острови на интегритет“ имаа за цел да се поттикнат примери на добро управување кои ќе послужат како модел за другите организации и институции. Воедно не само „Островите“ што ќе промовираат интегритет, туку и го зајакнуваат кредибилитетот на граѓанските организации како партнери во демократските процеси. Така што ИнСоК низ обуките подготви Стратегија за Интегритет и Акциона програма од една година за постигнување напредок во областа да стане ГО со поголем интегритет и пример на останатите во општеството.
Стратегијата за интегритет на ИнСоК опфаќа: Ц1: Да се ограничат Монополот и Дискреционото право; Ц2: Да се подобрат Отчетноста и Транспарентноста; Ц3: Да се зголемат придобивките за работење со интегритет и загуби поради корумпираност,
и активностите: А1 Управување со финансиски ресурси/средства; A2 Регрутирање; A3 Креирање на проекти/услуги со цел да се одговори на потребите на корисниците; A4 Следење на квалитетот и резултатите; A5 Известување.
Очекувањата се: ИнСоК како ГО организација да стане посветена на градење општество засновано на принципи на организациски интегритет кои вклучуваат и практикуваат транспаретност, отчетност и еднаквост, овозможуваат независност, вклученост, морална хигиена, етичко лидерство и промовираат континуирано учење за организациска оджливост и одговорност.