Полошкиот плански регион се празни. Податоците покажуваат дека 18,2% од младите (77.274 лица) ја напуштиле државата, најчесто поради економски причини. Барањето за подобар животен стандард (79,96%) и можности за вработување (77,78%) ги турка младите кон емиграција, оставајќи зад себе празни домови и заедници.
Истражувањата укажуваат дека руралните средини се празнат побрзо од урбаните – соодносот е 70% наспроти 30%. Дополнително, момчињата заминуваат почесто (88,29%), бидејќи традицијата и општествените очекувања го ставаат товарот на миграцијата врз нивните плеќи.
Најчестите дестинации за младите од Полошкиот регион се Германија, Италија, Швајцарија и скандинавските земји. Главните причини се невработеноста, ниските плати и недовербата во институциите.
„Секој петти млад човек е само спомен во родниот крај,“ стои во една од пораките од истражувањето. Овој тренд носи сериозни последици: губење на човечки капитал, намалување на економската продуктивност и ослабување на социјалната структура на регионот.
„Време е за реформи!“ – оваа порака ја пренесуваат младите кои заминуваат, но и оние што остануваат. Потребни се политики за достоинствен живот, кои ќе обезбедат стабилни работни места, фер плати и доверба во институциите. Само така може да се спречи понатамошното празнење на Полошкиот регион и да се создаде иднина во која младите ќе сакаат да останат.
„Проектот е поддржан од Владата на Швајцарија преку Цивика мобилитас“.
Содржината на овој текст и инфографик е единствена одговорност на Асоцијација Институт за социјална промена ИнСоК – Тетово и на ниту еден начин не може да се смета дека ги одразува гледиштата на владата на Швајцарија, Цивика мобилитас и организациите што ја спроведуваат.